Dt.30.09.2024 hian BDO Complex, Lungsen-ah Nu naupai te tana enkawlna pawimawh zia leh Sum hman dan inzirtirna hun neih a ni a. He hun hi  Pu Lalhruailiana Zote, BDO Lungsen chuan a kaihruai a. Resource person atan Pu C. Vanrammawia, Manager, Mizoram Rural Bank, Lungsen Branch leh Pi Zothanpuii Hmar, Block Mission Manager, MzSRLM Lungsen hman an ni.

BDO chuan Aspirational Block Programme pawimawhna a hrilhfiah hnuah, zirlaite chu drop-out mai lova, zirna sang zawkah inhlangkai chho zel turin zirlaite a fuih a. Manager, MRB Lungsen chuan savings siam pawimawhna te, sum hmanga inbumna chungchangte a sawi bawk a ni. BMM Lungsen hian kalkhawmte chu insurance pawimawhna a zirtir bawk.

He hunah hian Govt. Lungsen HS leh Lungsen HSS (Samagra) zirlaite leh zirtirtute an tel bakah, SHG nu hovin an chhim bawk a ni.