Lungsen Aspirational Block chu Q4-ah ram pum huap rank 30-na a hmuh
Lunglei: Lungsen Aspirational Block chuan Aspirational Blocks Programme (ABP) Q4 (January–March) 2025–26 ranking-ah Overall Rank 30-na a ni phak a. Hei hian India ram pum huapa Aspirational Block-te zinga Lungsen chu a perform tha zawk zinga mi a nih tih a lantir.
Hemi hna thawk tur hian Lunglei District Administration, Lungsen RD Block leh department hrang hrangte chuan tangrualin, sorkar programme leh scheme-te kalpuidan tha zawk tur leh mipui mamawh zawng zawng thlenpui turin hma an la a.
Lunglei Deputy Commissioner kaihhruaina hnuaiah hian district chhunga development hna hrang hrangte hian hma an sawn zel a. A bik takin Lungsen Aspirational Block-ah Project BLOOM chu tangkaipuitu tam tak an awm a. He project hi nu leh nau nei te health service an hmuh awlsam zawk nan leh hmun hla leh kalpui harsa zawkah maternal leh child health improve turin hmalakna a ni.
Project BLOOM hi national level-ah pawh recognition a dawng a. NITI Aayog seminar New Delhi-a buatsaihah pawh best practice pakhat anga sawi lan a ni.
Chutih rualin Sampoornata Abhiyan tih hmalakna pawh nasa taka kalpuiin a awm a. He programme hmang hian Aspirational Block development indicator thlan bikte hi tihfamkim tum a ni. Government school ah te pawh mamawh inthiarnate tihchangtlun danah hma lak a ni a, school hrang hrangah multi-unit toilet sakna te pawh kalpuiin a awm.
Heng bakah hian health, education, sanitation, nutrition, agriculture leh sector dangteah department hrang hrangte inthawhpuia hmalakna chuan Lungsen performance hi a chawikangin a rualpui zel.
ABP indicator-te hi department tinte chuan an tihhlawhtlin dan an enfiah reng a, harsatna leh thlithlai ngaihna awmna hmunte chhut chhuahin hma an la thin. Department-te inthawhpuina leh field level-a officer leh staff-te thawhpuina pawh Lungsen performance tha takah hian pawimawh tak a ni.
Q4 2025–26-ah Overall Rank 30-na Lungsen-in a hmuh hi Lunglei District Administration, Lungsen RD Block, line department-te, frontline worker-te, local body-te leh Lungsen mipuite thawhpuina rah a ni.
Hemi achievement hi thlen tawh a nih avangin lawmthu sawina chauh ni lovin, hma sawn zel nan leh Lungsen mipuite nunphung tha zawk siam turin hma lak zel nan thahnemngaihna thar a pe tur a ni.
