ESSAY COMPETITION (2^nd Position)

THUPUI

‘KAN SCHOOL HMASAWN DAN TUR’

Ruby R.Lalfakawmi

Class-XII, Roll No.-6

Lungsen Higher Secondary School (Samagra)

Kan sikul-ah hian naupang sawm hnih leh paruk (26) awmin, hmeichhia sawm leh paruk (16) awmin, mipa erawh sawm (10) an awm thung. Kan sikul hi khaw mawng lampangah awmin a hmun a reh nuamin lehkhazir nan chuan duhthusam a ni. Zirtirtu tha tak tak te pawh paruk (6) kan nei bawk a ni.

A hmasa berah chuan kan sikul hi zirtirtu tha tak tak te enkawlna a zarah a changtlungin zirlaite pawhin result tha tak tak an lo nei tawh thin a, chutih rual chuan hmasawn ngaihna kawng hrang hrang pawh a tam hle a, zirlai tha ni tur leh nei tur chuan kan chhehvel hi a pawimawh hle a, chuvang chuan kan sikul pawh hi a chhehvel-in a zir tawk lohna avanga buaina leh harsatna lo thlen phah thin hi a awm leh fo thin, chung kan harsatna lo tawh thin tawh te chu lo tarlang ila.

A pakhatna ah chuan, kan sikul kalkawng hi lo sawi ta ila, kan lo hriat tawh angin kan sikul hi khaw mawng lampang a awm kan nih angin a kalkawng ah hian harsatna kan tawk fo a, a kawng nal vangte leh rem tawk lohna avangte pawh kan ti thei ang chu. Zirlaite tan chuan kalkawng hi nitin a kan kalna a nih avang hian zirlaite tan chuan a pawimawh em em a, fur-ah phei chuan in a nal in tluk te a awl em em a, hei hian natna pawi tak a thlen thei a, kan zirlai pui te ngei pawh lo tlu tawh in an awm a, tlu na lutuk lo mah se, na taka tluk palh theihna a ni. Hmanhmawh deuh phei chuan kalna chi a nilo hul hual a ni.

A dawt leh-ah chuan sikul bungrua indaihlohna te hian zirlaite chu mi a tibuai hle thin. Thutthleng leh dawhkan indaihlohna te avanga zirlaiten an chawikual reng a ngaih chang a awm fo thin. Hengte hian hun a ti hek thei hle bawk. Tin, zirtirtu te’n thil an sawifiah in tawngkam mai a an sawifiah theihloh tam tak a awm thin. Heng-ah te pawh hian zirlaite pawhin awlsam taka an hriat thiam theihna tur leh hun a hek loh zawkna tur te pawh in projector te hi a tha in a tangkai hle a, hengte hi awm thei sela chu zirna in tin te hian hmasawnna tam tak an neih theih hi ka ring tlat a ni.

A pathumna ah chuan zirlai in a hmasawnna tur leh sikul hmasawnna tur atan chuan zirlai ten lehkha an thiam theih hi a pawimawh hle a, heng a hmasawn tur chuan zirlai in a lehkha zirna hmun hi thil pawimawh tak a ni, zirlai chu nileng a zirna run-a a lehkhazir zo a haw hun a atan a pawimawh em em an run in ngei a a duh ang a lehkha a zir theih loh chuan zirlai tan chuan thil pawi tak a thlen thin. Zirlai in tui tak a zir theih na tur chuan khawtlang te hi kan pawimawh in, chanvo pawimawh tak kan nei ve a ni. Zirlai te tibuai thei tura hla ring tak tak a play te hian zirlaite nun chu nasa takin a nghawng thei a, chu mai bakah zirlai awmna in tih hriat reng a zirlaiten lehkha an zirlai a, an in a lo titi bengchhen leh lo inhauh thawm te pawh hian zirlai te a tibuai in an phurna te pawh a tibo thei thin. Heng ah te hian khawtlang te kan pawimawh in zirlaite kan tanpui theihna ber pawh a ni.

A tawpna ber ah chuan zirlaite tana pawimawh em em chu kan nu leh pate an ni. Zirlaite tan chuan nu leh pate hi an pawimawh in an theihna a san zia hmuhtheih tirtu an ni a, amaherawh chu, he tih rual hian nu leh pa te zir tawk lohna avanga zirlai an theihna ngei pawh ti lang chhuak theilo a siam thei tu chu nu leh pate bawk an ni. Hei vang hian nu leh pa te hian naupangte chu a fuihphur  zawngte a kan awm a pawimawh hle a, an lehkhazir dawn a an nguai phah vek na tur a han hauh tih vel phei chu tih hauh loh tur a ni.

Hmasawnna tur chuan tu te pawh mai hi kan pawimawh vek tih hre chungin tan ila thar leh ang u.